Updated Team News – နောက်ဆုံးရ အာဆင်နယ်သတင်းများ (9Oct)

ဘီရတ်လည်း အငှားကစားသမားဘဝမှာ ခြေစွမ်းပြ

အသက် ၁၉ နှစ်အရွယ်ကစားသမားလေး မီကာဘီရတ်ဟာ  နယ်သာလန်လိဂ်မှာ  ၃ ပွဲသာ လူစားဝင်ကစားရသေးပေမယ့် ၂ ဂိုးထိသွင်းယူထားနိုင်ပြီဖြစ်ကြောင်းသိရပါတယ်။ RKC Waalwijk အသင်းမှာရာသီကုန်ထိရှိနေမယ့် လူငယ်လေးဟာ ဂရိုနင်ဂျန်အသင်းကို  ၃-၂ နဲ့အနိုင်ရတဲ့ပွဲမှာ လူစားဝင်ပြီး  ၂ ဂိုးသွင်းယူပေးသွားခဲ့တာဖြစ်ပါတယ်။ ဘီရတ်ဟာ U23  အသင်းမှာရှိစဥ်ကတည်းက ဂိုးများစွာသွင်းယူပေးထားနိုင်ခဲ့ပြီး ပရိတ်သတ်တွေရဲ့ မျှော်လင့်ခြင်းကိုရရှိထားသူလည်းဖြစ်ပါတယ်။

ဂန်းနားတို့အရှိန်ရနေလို့ အပျော်မလွန်ဖို့ ဆောင်းပါးရှင်သတိပေး

အားကစား Website တစ်ခုဖြစ်တဲ့ Last Words on Sports ရဲ့ဆောင်းပါးရှင် မာတင်ကီယာဒီ က ဂန်းနားတို့အနေနဲ့ ပုံစံကောင်းတွေရရှိနေပေမယ့်  ယုံကြည်မှုလွန်ကဲသွားတာမျိုးဖြစ်မလာဖို့လဲ အရေးကြီးကြောင်းထောက်ပြလာခဲ့ပါတယ်။ သူ့ရဲ့ဆောင်းပါးမှာ  လီဗာပူးလ်နဲ့ပွဲစဥ်တစ်ခုထဲအတွက်မဟုတ်ပဲ ရေရှည်အတွက်မှာလည်း ပြိုင်ပွဲကိုအာရုံစိုက်ဖို့လိုကြောင်း ၊ လီဗာပူးလ်ဟာ အသင်းကြီးတသင်းဖြစ်ဆဲဖြစ်ကြောင်းရေးသားထားတာဖြစ်ပါတယ်။

Advertisements

ဆာလီဘာဟာ မာန်မာန မထောင်လွှားပဲ လုပ်စရာရှိတာကိုလုပ်ခဲ့ကြောင်း အာတီတာ ချီးကျူး

နည်းပြအာတီတာက သူ့ရဲ့နောက်ခံလူဆာလီဘာဟာ မာန်မာန ထောင်လွှားမှုနဲပါးပြီး ၊​ အလုပ်ကိုပဲအာရုံစိုက်တတ်သူဖြစ်ကြောင်း ထုတ်ဖော်ချီးကျူးခဲ့ပါတယ်။  “ သူက ကွင်းထဲမှာ ကောင်းမွန်တဲ့စွမ်းဆောင်ရည်ရရှိဖို့အကောင်းဆုံးကြိုးစားနေတဲ့သူပါ ..  ကျော်ကြားမှုနောက်ကိုလဲ မလိုက်သလို စကားလဲအများကြီးမပြောပါဘူး …  အလုပ်ကိုပဲ​ဆက်တိုက်လုပ်နေတဲ့သူမျိုး ဖြစ်ပါတယ် “ လို့ဆိုခဲ့တာပါ။ ဒါ့အပြင် ဆာလီဘာကို အငှားချထားစဥ်ကာလအတွင်း  အသင်းနဲ့ ကစားသမားကြားဆက်ဆံရေးအတွက်စိုးရိမ်ခဲ့မိတယ်လို့လည်း ထုတ်ဖော်ဝန်ခံထားခဲ့ပါတယ်။

ဂန်းနားပစ်မှတ်ဟောင်း မယ်လို လီဗာပူးလ်မှာ ဒဏ်ရာရလို့ အမ်းမရိတ်ပွဲစဥ်လွဲချော်

ဂန်းနားတို့ရဲ့ ပစ်မှတ်ဖြစ်ဖူးခဲ့တဲ့  လီဗာပူးလ်ကွင်းလယ်လူအာသာမယ်လိုဟာ ဒဏ်ရာကြောင့်  ၃ လခန့်နားရတော့မှာဖြစ်ပြီး  ၊​ ဂန်းနားတို့နဲ့ရင်ဆိုင်ရမယ့်ပွဲမှာလည်း ပါဝင်လာဖို့မရှိကြောင်းသိရပါတယ်။ မယ်လိုဟာ ပြီးခဲ့တဲ့နှစ်ကတည်းက အမ်းမရိတ်ဆီကိုရောက်လာဖို့ရေပန်းစားခဲ့တာဖြစ်ပေမယ့် ဂျူဗင်တပ်စ်အသင်းနဲ့ ညှိနှိုင်းမရခဲ့တာကြောင့် ယခုရာသီအစမှာ လီဗာပူးကိုသာရောက်ရှိခဲ့တာဖြစ်ပါတယ်။

အချက် ၂ ချက်ကိုသာ ကောင်းကောင်းကိုင်တွယ်နိုင်ရင် ဂန်းနားတို့ နောက်တဆင့်မရောက်စရာမရှိလို့ နာမည်ကျော်တင်ဆက်သူပြော

Sky Sports  ရဲ့ တင်ဆက်သူ ဒါမက်သ်ဆက်ရှ်က   အာဆင်နယ်အသင်းရဲ့အလားအလာအပေါ် အကောင်းမြင်လျှက်ရှိပြီး အကြံပြုချက်အနဲငယ်ကို ယခုလိုပြုလုပ်သွားခဲ့ပါတယ်။

“ သူတို့က ချန်ပီယံစိ်န်ခေါ်သူတွေ ဟုတ်မဟုတ်တော့ မပြောနိုင်ပါဘူး .. ဒါပေမယ့်  လက်ရှိလုပ်ဆောင်နေတဲ့အရာတွေကို တစိုက်မတ်မတ်တိုးတက်နေစေပြီး ၊ အပြောင်းအရွှေ့တွေမှာ  ဂျေးဆူကိစ္စလိုမျိုး ခေါ်ယူမှု မှန်ကန်ခဲ့မယ်ဆိုရင် တော့  ချန်ပီယံဆုကို ဘာလို့မမှန်းနိုင်ရမှာလဲဗျာ  “  ဆိုပြီး ပြောဆိုခဲ့တာဖြစ်ပါတယ်။

Advertisements
Advertisement

Leave a Reply

%d bloggers like this: