နောက်ဆုံးရ အာဆင်နယ်သတင်းများ (26June)

ရာဖင်ဟာကို ကြားဖြတ်ခေါ်ယူဖို့  လီဗာပူးကို ဂန္တဝင်တိုက်တွန်း

အာဆင်နယ်အသင်းနဲ့အလွန်နီးစပ်နေပြီလို့ သတင်းထွက်နေတဲ့ ဘရာဇီးတောင်ပံလူ ရာဖင်ဟာ ကို ကြားဖြတ်ခေါ်ယူဖို့   ဂန္တဝင်တစ်ဦးဖြစ်တဲ့ စတန်ကော်လီမိုးက  နည်းပြ ကလော့ကို တိုက်တွန်းလိုက်ပါတယ်။  ကော်လီမိုးဟာ  ရာဖင်ဟာကို ဆာလာရဲ့နေရာမှာ အစားဝင်ကစားနိုင်သူအဖြစ် ရှုမြင်နေပြီး ၊ နည်းပြကလော့ရဲ့လက်အောက်မှာဆိုရင် ပိုမိုတောက်ပလာမယ်လို့ မှတ်ချက်ပေးလိုက်တာဖြစ်ပါတယ်။​ လတ်တလောသတင်းများအရ အာဆင်နယ်တို့ဟာ ဘရာဇီးသားကို ဖိဖိစီးစီးကြိုးစားနေတယ်လို့သိရပါတယ်။

မြက်ခင်းပြင်ပေါ်ပြန်ရောက်လာကြတဲ့ ဂန်းနားများ

Goal သတင်းဌာနရဲ့ဖော်ပြလာချက်အရ အာဆင်နယ်အသင်းရဲ့ ဒဏ်ရာရကွင်းလယ်လူ ပါတေးဟာ ရာသီကြိုခရီးစဥ်တွေကိုလိုက်ပါဖို့အခြေအနေကောင်းနေပြီး ၊  တီယာနေးဟာလည်း မကြာခင်လေ့ကျင့်ခန်းဆင်းနိုင်တော့မယ်လို့ သိရပါတယ်။ အဆိုပါကစားသမား ၂ ယောက်ဟာ အသင်းအတွက်အလွန်အဓိက ကျသူတွေဖြစ်ကြပြီး ၊ သူတို့မပါဝင်နိုင်ခြင်းကြောင့် ပြီးခဲ့တဲ့ရာသီတုန်းက ချန်ပီယံလိဂ်ဝင်ခွင့်လွဲချော်ခဲ့တာဖြစ်တယ်လို့လည်း ဆိုပါတယ်။

အာဆင်နယ်ပရိတ်သတ်တွေအတွက်စိတ်လှုပ်ရှားစရာအချိန်လို့ သတင်းထောက်ရေးသား

နာမည်ကျော်သတင်းထောက်တစ်ဦးဖြစ်တဲ့ ပိ(တ်) အိုရာကီက  အာဆင်နယ်ပရိတ်သတ်တွေအတွက် စိတ်လှုပ်ရှားစရာအချိန်တွေကိုရောက်ရှိလာပြီဖြစ်တယ်လို့ ပြောဆိုလာပါတယ်။  အာဆင်နယ်ဟာ ဗီအဲရာကို ခေါ်ယူပြီးနောက် ဂျေးဆူကိုလဲ သဘောတူညီမှုရရှိခဲ့ပြီဖြစ်ပါတယ်။နောက်ထပ်ကစားသမားများစွာနဲ့ ဆက်လက်ချိတ်ဆက်နေတယ်လို့လည်း သတင်းတွေမှာဖော်ပြနေကြပါတယ်။

ကစားသမားကို လိုချင်နေပေမယ့် မာလ်ဆေးတို့  ဆာလီဘာအတွက် ငွေမရှိဘူးလို့ ချားလ်ဝက်စ်ပြော

မာလ်ဆေးအသင်းက လက်မလျှော့သေးပဲ ကြိုးပမ်းနေပေမယ့်  ဆာလီဘာကို လိုချင်ရင် ငွေအများကြီးသုံးရမှာဖြစ်တယ်လို့   သတင်းထောက် ချားလ်ဝက်စ် က သုံးသပ်လာခဲ့ပါတယ်။

“  သူ့ကိုခေါ်ချင်ရင် တကယ်ကို ငွေအများကြီးသုံးရမှာဗျ .. ကစားသမားက  စာချုပ်သက်တမ်းလဲ ကျန်သေးတယ် .. လောလောဆယ်တော့နိုင်ငံတကာပွဲတွေကို အာရုံစိုက်နေပုံပါပဲ….  ကျွန်တော်ကတော့ ဒီကစားသမားအတွက် မာဆေးတို့ ငွေသုံးနိုင်မယ်လို့တော့ မထင်ပါဘူး “ ဆိုပြီးသူ့ရဲ့ အစီအစဥ်ကနေ တဆင့်ပြောလာခဲ့တာပါ။

နိုင်းလ်စ်ကို ကြိုးစားမယ့် ဖော်ရက်စ်

နော်တင်ဟမ်ဖောရက်စ်အသင်းဟာ အာဆင်နယ်ရဲ့  ကစားသမား နိုင်းလ်စ်ကို ခေါ်ယူဖို့ ကြိုးစားနေတယ်လို့  Daily Mail က ဖော်ပြလာပါတယ်။  ပြီးခဲ့တဲ့အပတ်က  ယူနီယံဘာလင်တိုက်စစ်မှုး ကို စံချိန်တင်စျေးနဲ့ခေါ်ယူပြီးတဲ့နောက်မှာ  အာဆင်နယ်ကွင်းလယ်လူကို စောင့်ကြည့်လာခဲ့တာဖြစ်ပါတယ်။ နိုင်းလ်စ်ကို  ပြိးခဲ့တဲ့နှစ်က အသင်းကို အထောက်အကူပြုခဲ့တဲ့ ဂျက်ဒ်စပန့်ရဲ့နေရာအစားထိုးဖို့ လျာထားတာဖြစ်တယ်လို့ သိရပါတယ်။

Advertisement

Leave a Reply

%d bloggers like this: