အာဆင်နယ်ကို ဒုက္ခပေးမယ့် အသံတိတ်ရန်သူ

ဒီရက်ပိုင်း အာဆင်နယ်အသင်းရဲ့အပြောင်းအရွှေ့ သတင်းမှာ အမြင်ရဆုံးနာမည်တွေကိုပြောရရင်တော့ ဂျေးဆူ ၊ တိုင်လီမန်စ်းနဲ့ ဆကာမန်ကာတို့ကို ပဲပြရမှာဖြစ်ပါတယ်။ အဓိက တိုက်စစ်မှုးနှစ်ယောက်စလုံးထွက်သွားပြီးတဲ့နောက်  အာဆင်နယ်ရဲ့ ရှေ့တန်းအတွဲဘယ်သူဖြစ်မလဲဆိုတာကိုအားလုံးကစိတ်ဝင်စားနေကြပါတယ်။ သာမာန်အချိန်မှာဆိုရင်တောင် အခြားနေရာထက် တိုက်စစ်ကိုပိုပြီး စိတ်ဝင်စားတတ်ကြတာ သဘာဝဖြစ်ပါတယ်။ ဒါပေမယ့် အာဆင်နယ်တို့အတွက် ပြဿနာကြီးကြီးမားမားတက်နေတဲ့  နေရာ ၂ ခုကျန်ပါသေးတယ်။  အဲ့တာကတော့ တောင်ပံခံစစ်အစွန်နှစ်ဖက်ဖြစ်ပါတယ်။ နာမည်တပ်ပြောရရင်  တီယာနေ နဲ့ တိုမီယာစု။

ခံစစ်အစွန်လူတွေဟာ  ခေတ်သစ်ဘောလုံးမှာ အရေးကြီးပါတယ်။ အာတီတာ​ရဲ့ ကစားပုံကလည်း Overlapping တွေရယ်  ၊  အမြန်နှုန်းကို တင်ကစားတတ်တာရယ်ကြောင့် အာဆင်နယ်အတွက်လည်း အဆိုပါနေရာတွေဟာ အရေးကြီးတဲ့နေရာတွေ ဖြစ်ပါတယ်။ လက်ရှိပထမဦးစားပေးကစားသမား ၂ ယောက်ဖြစ်ကြတဲ့ တီယာနေးနဲ့ တိုမီယာစုတို့ရဲ့ အခြေအနေကလည်း ကစားနိုင်ကြချိန်မှာ အငြင်းပွားစရာမရှိတဲ့ စွမ်းဆောင်ရည်ပိုင်ရှင်တွေဖြစ်ကြပါတယ်။ ဒါပေမယ့် သူတို့ ၂ ဦးရဲ့ ဒဏ်ရာပြဿနာတွေကတော့  ပုံပြီးယုံဖို့ခက်ပါတယ်။

ဆဲဒရစ် နဲ့ တာဗာရက်စ်တို့ဟာ စိတ်ဓါတ်ကောင်းကောင်းနဲ့ကြိုးစားတတ်ကြတာမှန်ပေမယ့် စွမ်းဆောင်ရည်အရတော့ ပရိတ်သတ်တွေကို အိမ်မက်ဆိုးတွေမက်စေနိုင်ကြသူများဖြစ်ပါတယ်။  တာဗာရက်စ်ဟာ သိသိသာသာပဲ လိုအပ်ချက်တွေများနေပါသေးတယ်။  ဆဲဒရစ်ကတော့ အာဆင်နယ်အဆင့်အတန်းမှာကိုရှိမနေသေးတာဖြစ်ပါတယ်။   ဒီအချက်တွေကိုလဲ အာဆင်နယ်ဟာ  ခါးစည်းခံခဲ့ရပြီးဖြစ်ပါတယ်။  အာဆင်နယ်တို့  ရာသီကုန်ခါနီးမှာ ပြိုလဲရခြင်းတွေမှာ  အစွန်ခံစစ်ပြဿနာကလဲ တစ်ချက်အပါအဝင်ဖြစ်ပါတယ်။

အာရွန်ဟစ်ကီ ၊ မိုလိနာ ၊ ဂျက်စပန့်  စသည်ဖြင့်နာမည်တွေဆက်တိုက်ထွက်နေပေမယ့် ဘယ်သူမှတော့ရောက်မလာသေး။ အာရွန်ဟစ်ကီဆိုရင် စာချုပ်လိုက်ပြီဆိုပြီးအရင်ဆုံး နာမည်ကြီးခဲ့သူပါ။ ဒါပေမယ့် အခုထိ ဘယ်သူမှကိုရောက်မလာသေးတာဖြစ်ပါတယ်။ နောက်ဆုံးရေပန်းစားနေသူကတော့  ယူကရိန်းသား ဇင်ချန်ကိုပါပဲ။ သူကတော့  ခံစစ်နဲ့ ကွင်းလယ် ၂ နေရာသုံးလို့ဖြစ်တာကြောင့် အာတီတာအကြိုက်တွေ့နိုင်ပါတယ်။  တကယ် အကြိုက်တွေ့နေတယ်လို့လဲရေးနေကြပါတယ်။

ပြီးခဲ့တဲ့ရာသီနောက်ဆုံးပွဲတွေမှာ တိုမီကိုပြန်မြင်ခဲ့ရသလို ၊ တီယာနေကလည်း ပြီးခဲ့တဲ့ရက်ပိုင်းမှာ သက်သာစပြုပြီလို့ Express  မှာ ဖော်ပြထားပါတယ်။ ဒီသတင်းတွေက အာတီတာကိုစိတ်သက်သာရာ ရစေမှာဖြစ်ပါတယ်။ ဒါပေမယ့် အဆိုပါ ပထမကစားသမား ၂ ယောက်ရဲ့ ကြံခိုင်မှုကတော့ ဂန်းနားတို့ကို အချိန်မရွေးတံခါးခေါက်လာဦးမှာဖြစ်ပါတယ်။  တိုက်စစ်မှုးကောင်းတွေရဖို့လိုသလို  ခေါ်မယ်လို့လဲယုံကြည်ရပါတယ်။

ထို့အတူ  တောင်ပံခံစစ်နေရာကလဲ အာဆင်နယ်ကို အချိန်မရွေးဒုက္ခပေးနိုင်တဲ့ နေရာဖြစ်ပါတယ်။

Advertisement

Leave a Reply

%d bloggers like this: