နောက်ဆုံးရ အာဆင်နယ် သတင်းများ (2May)

အပြောမလွတ်သေးတဲ့ အာဆင်နယ်ရဲ့ အောင်ပွဲခံပုံစံများ

ဝက်စ်ဟမ်းအသင်းကို အဝေးကွင်းမှာအနိုင်ရခဲ့တဲ့ပွဲအပြီးမှာ  အာဆင်နယ်အသင်းသားတွေဟာ ပရိတ်သတ်နဲ့အတူအောင်ပွဲခံခဲ့ကြတာကို  ဘောလုံးပွဲတင်ဆက်သူလည်းဖြစ် ၊ ကစာသမားဟောင်းလဲဖြစ်တဲ့  ခရစ္စဆပ်တန်က ထောက်ပြလာခဲ့ပါတယ်။  ဆပ်တန်က  ‘dear me’ ဆိုတဲ့  ဘမ်းစကားဆန်ဆန်အသုံးအနှုံးနဲ့အတူ  အာဆင်နယ်အသင်းဖလားရသွားတဲ့အတိုင်းအောင်ပွဲခံနေကြောင်း Twitter မှာရေးသားလာတာဖြစ်ပါတယ်။ Goal ရဲ့သတင်းထောက်ဖြစ်သူချားလ်ဝက်စ်ကတော့  ကွင်းအတွင်းက အခြေအနေကို Video ရိုက်ပြီးပြန်လည်တင်ပြပေးခဲ့တာဖြစ်ပါတယ်။

ချီးကျူးခံနေရတဲ့ ဂျရတ်ဘိုဝင်ရဲ့အပြုအမူ

အာဆင်နယ်နဲ့ကစားခဲ့တဲ့ပွဲမှာ   ရမ်းစ်ဒေးရဲ့ဖျက်ထုတ်မှုဟာ  ပစ်ဒဏ်ဘောဖန်တီးယူလို့ရတဲ့အခြေအနေရှိနေပေမယ့် ရှောင်လွဲခဲ့တဲ့ ဘိုဝင်ရဲ့အပြုအမူကို နည်းပြမိုရက်စ်ရော ၊  ကာယကံရှင်ဂိုးသမား ရမ်းစ်ဒေလ်းကပါ ချီးကျူးလာခဲ့ပါတယ်။   အခြေအနေအရ ရမ်းစ်ဒေးလ်ရဲ့ပြေးလွားဖျက်ထုတ်မှုဟာ  အထိခိုက်ခံလိုက်လို့ရပေမယ့် ဘိုဝင်က  ရှောင်ထွက်သွားခဲ့ပြီး ၊ ဒိုင်လူကြီးကိုလည်း ပစ်ဒဏ်မဖြစ်စေခဲ့ကြောင်းရှင်းပြပေးခဲ့တာဖြစ်ပါတယ်။  ဝက်စ်ဟမ်းနည်းပြကတော့ ဂိုးသမားရဲ့ဖျက်ထုတ်ပုံကိုပစ်တင်ခဲ့ပြီး ဘိုဝင်သာ အခြားကစားသမားတွေလို ပြုမူခဲ့ရင် ပွဲရဲ့အခြေအနေက ပြောင်းသွားမှာဖြစ်ကြောင်းပြောဆိုခဲ့ပါတယ်။

အဖြေနှစ်ခွဖြစ်နေတဲ့  ဆာလီဘာရဲ့ပြောဆိုမှု

ရာသီကုန်မှာ အာဆင်နယ်ကို ပြန်လာဖို့ရှိတယ်လို့ ယူဆရတဲ့ ဆာလီဘာရဲ့ အငြင်းပွားစရာဖြေကြားမှုကို  Metro Uk  ကဖော်ပြလာခဲ့ပါတယ်။

“  ကျွန်တော့်အနေနဲ့ အခုရာသီကို ကောင်းကောင်းပိတ်သိမ်းလိုက်ချင်ပါတယ်။ တကယ်လို့များ မာဆေးကို ပြန်မလာဖြစ်ခဲ့ဘူးဆိုရင် အမှတ်တရကောင်းတွေချန်ခဲ့ချင်ပါတယ် .. ဒီအသင်းနဲ့အတူဆက်ပြီးကစားဖို့လည်းအဆင်ပြေပါတယ်  … အခုပြောတာကလည်း  မာလ်ဆေးကို ပြန်မလာတော့ဘူးလို့ မဆိုလိုပါဘူး  .. မာလ်ဆေးက ကျွန်တော့်အသင်းပါ “ ဆိုပြီးပြောလာတာဖြစ်ပါတယ်။ ဆာလီဘာရဲ့ဖြေဆိုမှုကတော့ အဓိပ္ပါယ် နှစ်မျိုးထွက်နေတာကြောင့်  အငြင်းပွားစရာအခြေအနေတွေကတော့ ကြုံရဦးမှာဖြစ်ပါတယ်။

အီတလီမှာပဲဆက်နေဖြစ်ဖို့များနေတဲ့ အာဆင်နယ်ပစ်မှတ်နောက်ခံလူ

ဘိုလော့နာ နောက်ခံလူ အာရွန်ဟစ်ကီဟာ အာဆင်နယ်အပါအဝင်  ပရီးမီးယားလိဂ်အသင်းတွေကို ငြင်းပယ်ပြီး  နာပိုလီအသင်းကိုပြောင်းရွှေ့ဖို့ရှိနေကြောင်း The Scottish Daily Mail က ဖော်ပြလာပါတယ်။ အဆိုပါကစားသမားအတွက်  ခေါ်ယူစဥ်က ပေါင် ၁.၅ သန်းသာကုန်ကျခဲ့ပေမယ့်  ပြန်လည်ရောင်းချချိန်မှာတော့ ၁၈ သန်းအထိရဖို့ရှိနေကြောင်း အဆိုပါသတင်းက ဖော်ပြထားပါတယ်။

ယူနိုက်တက်ကို ပိုအားသန်နေတဲ့  ဒီဘားလား

အာဆင်နယ်အသင်းက ချိတ်ဆက်နေတံ့ ဂျူဗင်တပ်စ်တိုက်စစ်မှုး ဒီဘားလားဟာ   မန်ချက်စတာယူနိုက်တက်အသင်းကို ပြောင်းရွေ့ဖို့ ပိုမိုစိတ်အားထက်သန်နေတယ်လို့ သိရပါတယ်။  အဆိုပါ အာဂျင်တီးနားသားဟာ ရာသီကုန်မှာ အလွတ်နဲ့ထွက်ခွာမှာဖြစ်ပြီး ၊​ အာဆင်နယ်အသင်းရဲ့ ဒုတိယဦးစားပေးပစ်မှတ်ဖြစ်တယ်လို့လည်း သတင်းများမှာဖော်ပြနေကြပါတယ်။

Leave a Reply

%d bloggers like this: