နောက်ဆုံးရ အာဆင်နယ် သတင်းများ (21Apr)

ခရစ္စတန်ဆန်ကို  အန်ကတ်တီးယား အခွင့်ကောင်းယူနိုင်ခဲ့တယ်လို့ မာဆင်ပြော

ဂန္တဝင် ပေါ်လ်မာဆင်က ချဲလ်ဆီးနောက်တန်းကို ဖိအားပေးပြီးဂိုးသွင်းယူနိုင်ခဲ့တဲ့ အန်ကတ်တီယာကို အခုလိုချီးကျူးလာပါတယ်။

“  တကယ်ကောင်းတဲ့အဆုံးသတ်ပုံပါပဲ။ တစ်ခါတစ်လေမှာ တဖက်နောက်တန်းက ဘယ်သူဆိုတာကိုကြည့်ပြီး ဘောလုံးကို လိုက်ဖျက်ကြရတာပါ။ အက်ဒီက  ခရစ္စတန်ဆန်ကို ဖိအားပေးနိုင်ခဲ့တယ်။  ခရစ္စတန်ဆန်အနေနဲ့ ဒီပွဲမှာကစားပုံသိပ်မကောင်းသလို  ဖျက်ထုတ်ပုံကလည်း အားနဲခဲ့ပါတယ်။  အဲ့ဒီနောက် အက်ဒီက အစွမ်းပြတော့တာပါပဲ  “   လို့ ချီးကျူးပြောဆိုသွားခဲ့တာဖြစ်ပါတယ်။  

စပါးကိုပဲကြိုက်နေသေးတဲ့  ဟက်ဆယ်ဘိန့်ခ်

ချဲလ်ဆီးဂန္တဝင် ဟက်ဆယ်ဘိန့်က  လန်ဒန်ဒါဘီမှာ အာဆင်နယ်အသင်းအနိုင်ရခဲ့ပေမယ့်လည်း စပါးအသင်းအပေါ်အလေးသာနေတဲ့ သူ့ရဲ့ယူဆချက်ကိုတော့ မပြောင်းသေးဘူးလို့ဆိုပါတယ်။

”  ဒီပွဲမတိုင်ခင်တုန်းက စပါးအသင်းရဲ့ ဂိုးသွင်းအားကောင်းတဲ့အချက်ရယ်  အာဆင်နယ်ရဲ့ တိုက်စစ်အင်အားနဲပါးမှုရယ်ကြောင့်    စပါးကိုပဲပိုကြိုက်ခဲ့ပါတယ် .. ဒါပေမယ့် အခုလည်း ဒီအတိုင်းပဲယုံကြည်နေဆဲပါ။   ဟယ်ရီကိန်းနဲ့ သူ့ရဲ့ ဂိုးသွင်းစွမ်းရည်ကြောင့် စပါးတို့အသာရပါလိမ့်မယ်  “  လို့ ဆိုလာတာဖြစ်ပါတယ်။

အာဆင်နယ်ပွဲကြည့်ရတာ ထိုက်တန်ကြောင်း  လိုင်နီကာထုတ်ပြော


ဂန္တဝင်ကြီးဂယ်ရိလိုင်နီကာ ကလည်း  ချဲလ်ဆီးနဲ့ပွဲမှာအစွမ်းပြခဲ့တဲ့ အာဆင်နယ်အသင်းသားတွေကို ချီးကျူးသွားပြီး  ကြည့်ရတာထိုက်တန်တဲ့ပွဲတစ်ပွဲဖြစ်ကြောင်း  သူ့ရဲ့ Twitter ကနေတဆင့်ထုတ်ဖော်ပြောကြားသွားခဲ့ပါတယ်။

“   အာဆင်နယ်ရဲ့ ဒုတိယဂိုးကြောင့်  Match Of the Day အစီအစဥ်မှာလာစကားပြောရတာ တန်သွားပါပြီ .. သိပ်လှတဲ့ဂိုးပေါ့ “ လို့ပြောခဲ့သလို  ဆာကာရဲ့ စွမ်းဆောင်ရည်ကိုလည်း အသိအမှတ်ပြုပြောဆိုသွားခဲ့ပါတယ်။

ချားလ်ဝက်စ်ပြောတဲ့ အာဆင်နယ်ရဲ့ နွေရာသီအစီအစဥ်များ

အာဆင်နယ်အသင်းဟာ သူတို့ရဲ့နွေရာသီအစီအစဥ်တွေကို အတည်ပြုသွားခဲ့ပြီဖြစ်ကြောင်း သတင်းထောက်ချားလ်ဝက်စ်က တင်ပြလာပါတယ်။  ဂန်းနားတို့ဟာ အမေရိကန်ပြည်ထောင်စုနဲ့  ဥရောပတလွားကို ခြေစမ်းမှာဖြစ်ပြီး  ဇူလိုင်လ  ၂၀ ရက်နေ့ကနေစတင်ဖို့ရှိနေတာပါ။ ဒါ့အပြင် US ခရီးစဥ်အပြီးမှာ  ဂျာမနီကိုသွားဖို့ လျာထားကြောင်းလဲသိရပါတယ်။ နှစ်စဥ်ပုံမှန်ကျင်းပနေကျ  Emirates Cup ဖိတ်ခေါ်ပြိုင်ပွဲကိုလည်းကျင်းပဖို့ရှိနေတာဖြစ်ပါတယ်။

သူ့ကို  အက်စ်ပီလီကွယ်တာက   ၅ စက္ကန့်လောက်ဖက်ထားခဲ့ကြောင်း ဆာကာပြောပြလာ

တောင်ပံကစားသမားလေး ဆာကာက  အက်စ်ပီလီကွယ်တာရဲ့ ပြစ်ဒဏ်အပေါ်အခုလိုပဲ မှတ်ချက်ပေးလာခဲ့ပါတယ်။

“ သူကျွန်တော့်ကို စိတ်ဆိုးနေမှာ ကျွန်တော်သိပါတယ် … ဒါပေမယ့် တကယ်ဖြစ်ခဲ့တာပါ  .. ဒါကပယ်နယ်တီပါ .. သူကျွန်တော့်ကို ဖက်ထားတာ  ၅ စက္ကန့်လောက်ကြာပါတယ် .. ဒီတော့ ကျွန်တော် လဲကျသွားခဲ့တာပေါ့  “  ဆိုပြီး အဖြစ်အပျက်ကို ပြန်လည်ပြောပြလာပါတယ်။ ဟယ်ရီရက်ဒ်နက် အပါအဝင် သုံးသပ်သူများကလည်း  အဆိုပါပြစ်ဒဏ်ကို ထောက်ခံပေးခဲ့ကြပါတယ်။

Leave a Reply

%d bloggers like this: