ပေပေနေရာကိုအစားထိုးဖို့ ရိုဒရီဂိုနဲ့ သတင်းထွက်နေ

ရီးရဲမက်ဒရစ်အသင်းရဲ့တိုက်စစ်မှုး ရိုဒရီဂိုဟာ အဂ်လန်ကလပ်အသင်းအာဆင်နယ်ရဲ့ စိတ်ဝင်စားမှုကိုရရှိနေတယ်လို့သိရပါတယ်။ စပိန်သတင်းစာ Fichajes ရဲ့ဖော်ပြချက်အရ အဆိုပါ အသက် ၂၁ နှစ်အရွယ် ဘရာဇီးသားဟာ  ရီးရဲအသင်းရဲ့  ဘာပေနဲ့  ဟာလန်းတို့အပေါ်စိတ်ဝင်စားနေမှုကြောင့်  ဘာနေဗျူးကို စွန့်ခွာရဖွယ်ရှိတဲ့ ကစားသမားတွေအထဲမှာပါနေပါတယ်။

ဆောင်းပါးရဲ့ရေးသားချက်အရ  အာဆင်နယ် ၊ နယူးကာဆယ်နဲ့ လီဗာပူးအသင်းတွေဟာ ဘရာဇီးသားကိုခေါ်ယူဖို့ ကြံစည်နေကြတာ ဖြစ်ကြောင်းသိရပါတယ်။ လက်ရှိ အန်ဆယ်လော့တီရဲ့အသင်းမှာလည်း အရံကစားသမားအဖြစ်သာပွဲထွက်နေရသူဖြစ်ပါတယ်။  ဘရာဇီးသားဟာ ဒီရာသီမှာ ၂၄ ပွဲကစားထားပေမယ့် ၁၀ပွဲကသာ ပွဲထွက်ကစားသမားဖြစ်ထားခဲ့ပါတယ်။ ဒါ့အပြင် ဂိုးသွင်းယူနိုင်ခြင်းလဲမရှိသေးပါဘူး။

၂၀၂၅ ခုနှစ်မှာစာချုပ်သက်တမ်းကုန်ဆုံးမှာဖြစ်တဲ့ ရိုဒရီဂိုဟာ  လွန်ခဲ့တဲ့ ၃ နှစ်တုန်းက ရီးရဲအသင်းဆီကိုရောက်ရှိလာခဲ့တာဖြစ်ပြီး  ခေါ်ယူစဥ်ကတန်ကြေး ၄၅ သန်းရဲ့ တဝက်လောက်ရရင်ပဲပြန်ရောင်းထုတ်မှာဖြစ်ပါတယ်။  နီကိုးလပ်စ်ပေပေထွက်ခွာဖို့ရှိနေတဲ့  အာတီတာရဲ့လူငယ်အသင်းထဲမှာ ရိုဒရီဂိုကိုလည်း လျာထားကြောင်း ခန့်မှန်းရေးသားနေကြတာလဲဖြစ်ပါတယ်။

ဆန်းတို့စ်နဲ့အတူ စတင်တောက်ပလာခဲ့တဲ့ ဘရာဇီးသားလေးဟာ  သူ့ရဲ့သက်တမ်းတလျှောက် ဂိုးပေါင်း ၃၀ သွင်းယူထားခဲ့ပြီး မက်ဒရစ်တို့အတွက်ကတော့ ၁၃ ဂိုးသာသွင်းယူထားနိုင်သလို ၂ ဂိုးကလည်း လူငယ်အဆင့်မှာဖြစ်ပါတယ်။ အသက် ၁၀ နှစ်ကတည်းက ဖူဆယ်ကစားရင်း ဘောလုံးလောကထဲကိုဝင်ရောက်ထားနိုင်ပေမယ့်  မက်ဒရစ်မှာနေရာရဖို့ခက်ခဲနေတာကြောင့်  အသင်းပြောင်းကစားရင်လည်းမှားတဲ့ဆုံးဖြတ်ချက်လို့တော့ ပြောလို့မရပါဘူး။

Original Content Here,

Leave a Reply

%d bloggers like this: