ဆွေးနွေးမှုတွေက စတင်ထားပြီးသားပါ – အာတီတာ

ဒီရက်ပိုင်း အာဆင်နယ်ပရိတ်သတ်တွေအစိုးရိမ်ဆုံးအကြောင်းအရာတစ်ခုကိုပြောရရင်  ဆာကာ ကိုအသင်းကြီးတစ်သင်းထံဆုံးရှုံးရမယ်ကိစ္စပဲဖြစ်ပါလိမ့်မယ်။ ကစားသမားကိုယ်တိုင်က သူ့ရဲ့ ရည်မှန်းချက်ကို ထုတ်ပြောလာပြီးတဲ့နောက်မှာ  အာဆင်နယ်အသင်းရဲ့ လက်ရှိအနေအထားကြောင့် ပိုပြီးစိုးရိမ်လာကြပါတယ်။ အကယ်၍ ကာလရှည်စာချုပ် ချုပ်ဆိုဖို့ကို မစည်းရုံးနိုင်ဘူးဆိုရင်  စျေးကောင်းရအောင် စောစောဆီးဆီးရောင်းထုတ်ရနိုင်ချေလဲရှိနေပါတယ်။

ဒါပေမယ့် အာတီတာကတော့ ကစားသမားနဲ့ အသင်းကြားမှာဆွေးနွေးမှုတွေရှိနေပြီဆိုပြီး The Standard နဲ့တွေ့ဆုံရာမှာအတည်ပြုပေးခဲ့ပါတယ်။

“ ကစားသမား ၊ သူ့ရဲ့အေးဂျင့် ၊ မိသားစုဝင်တွေနဲ့အသင်းရဲ့အကြားဆွေးနွေးမှုတွေစတင်နေခဲ့ပြီးပါပြီ။  ဒါဟာတကယ်ကိုအရေးကြီးတဲ့ကိစ္စပါ။ အားလုံးက လုပ်ဆောင်ဆဲကိစ္စတွေပါ “  ဆိုပြီး ဖြေကြားပေးခဲ့တာဖြစ်ပါတယ်။ ဆက်လက်ပြီးအာတီတာက

“ ဘူကာယိုကို အသင်းမှာ တတ်နိုင်သရွေ့အကြာကြီးဆက်ရှိနေဖို့  ဆန္ဒရှိပါတယ်။  သူကအသင်းရဲ့ အစိတ်အပိုင်းတစ်ခုဖြစ်ပါတယ်။ အသင်းရဲ့ DNA ကိုလဲပိုင်ဆိုင်ထားသလို ရင့်ကျက်တိုးတက်လာနေပါတယ်။  သူဟာအသင်းမှာဘယ်လောက်အရေးကြီးတဲ့ ကစားသမားဆိုတာကို မေးခွန်းထုတ်စရာမလိုပါဘူး “  ဆိုပြီးပြောဆိုလာတာပါ။

စာချုပ်သစ်မှာ ခံစားခွင့်တွေ ၊ လစာတွေပိုမိုမြင့်မားနေရုံမျှမက  အသင်းကြီးတွေနဲ့ ယှဥ်ပြိုင်နိုင်ဖို့ကလဲ အရေးကြီးပါတယ်။ အာဆင်နယ်နဲ့ ကစားသမားကြားလွဲချော်မှုတစ်ချက်ရှိတာနဲ့  လီဗာပူးအပါအဝင်အသင်းကြီးတွေက ချက်ခြင်းကြားဝင်ကြိုးစားကြမှာဖြစ်ပါတယ်။  အာတီတာအနေနဲ့ကတော့  အသင်းရဲ့လူငယ်ကစားသမားအားလုံးကို ပိုမိုးတိုးတက်လာဖို့အတွက် အထူးအာရုံစိုက်နေတာကိုတွေ့ရပါတယ်။ အထူးသဖြင့် ပထမကစားသမားတွေဖြစ်နေကြတဲ့ ဆာကာ ၊ စမစ်ရိုးနဲ့ မာတင်နယ်လီတို့အပေါ်မှာဖြစ်ပါတယ်။

Advertisements

“ အဓိက အချက် ၂ ချက်ရှိပါတယ်။  အသင်းမှာ လူငယ်တွေကိုတိုးတက်စေမယ့် ပတ်ဝန်းကျင်တစ်ခုရှိဖို့ရယ် ၊  အသင်းမှာပြိုင်ဆိုင်မှုပြင်းထန်နေတဲ့အချိန်မှာလဲ ကစားသမားတွေပိုမိုတိုးတက်နေစေဖို့ပါပဲ။ ဆိုလိုတာက  ထိပ်တန်းကစားသမား ၃ ယောက်လောက်ကိုခေါ်လိုက်တယ်ပဲထား .. လူငယ်လေးတွေအနေနဲ့ပွဲထွက်ခွင့်ကဆုံးရှုံးသွားနိုင်ပါတယ်။  ဒီတော့ နှစ်ခုလုံးအဆင်ပြေဖို့ကတော့ခက်ပါတယ်။ ကစားသမားကောင်းတွေကို ငွေကြေးအကုန်အကျခံပြီးခေါ်မယ်ဆိုရင် ကွင်းထဲမှာ ဒီငွေကြေးတွေကရှိနေပါလိမ့်မယ်။ ဒါဟာ လူငယ်လေးတွေကွင်းထဲမှာမရှိနိုင်တော့ဘူးဆိုတဲ့အခြေအနေပါပဲ။

ဒီတော့ မျှတတဲ့အနေအထားတစ်ခုကို ဖန်တီးရပါမယ်။ အသင်းအတွက်လိုအပ်တဲ့အဆင့်အတန်းတစ်ခုကို ဖန်တီးရပါမယ်။  ဒါဟာ ကျွန်တော်တို့ကြိုးစားလုပ်ဆောင်နေတဲ့အရာပဲဖြစ်ပါတယ် “

အာတီတာရဲ့ပြောဆိုမှုက စိတ်ဝင်စားစရာတော့ကောင်းနေပါတယ်။ သူ့အဆိုအရ ခေါ်ယူမယ့်ကစားသမားတွေက လက်ရှိလူငယ်တွေရဲ့အရံဖြစ်ရင်ဖြစ် ၊ မဖြစ်ရင်လဲ နောက်ထပ်လူငယ်လေးတွေပဲဖြစ်နေဖို့ရှိပါတယ်။  ဒါဟာ သူဖန်တီးနေတဲ့ အရာတစ်ခုလဲဖြစ်နိုင်ပါတယ်။

Advertisements

Leave a Reply

%d bloggers like this: