နောက်ဆုံးရ အာဆင်နယ် သတင်းများ(6Feb)

အာဆင်နယ်ပညာသင်ဆုရခဲ့တဲ့ လူငယ်လေး

အရည်အသွေးမြင့်လူငယ်ဂိုးသမားလေးဖြစ်တဲ့  အလက်ဆီ ရီုဂျာစ် ဟာ လာမယ့်ရာသီအတွက် အာဆင်နယ်အသင်းကပေးအပ်တဲ့ ပညာဆင်ဆုကို ရရှိခဲ့တယ်လို့သိရပါတယ်။ အဆိုပါဂိုးသမားလေးဟာ  U16 အဆင့်မှာအစွမ်းပြခဲ့ပြီး ၊ အသင်းကြီးနဲ့လည်းလေ့ကျင့်ခွင့်ရရှိထားသူဖြစ်ကာ U18 အသင်းရဲ့ အရံခုံမှာလည်းမြင်တွေ့နေရပြီဖြစ်ပါတယ်။ ကိုလံဘီယာနိုင်ငံကို ကိုယ်စားပြုထားတဲ့ လူငယ်လေးကို ရုရှားအသင်းကလဲ လိုချင်နေတယ်လို့သိရပါတယ်။

၂ လဆက်တိုက် အကောင်းဆုံးဆုရတဲ့မာတင်နယ်လီ

ဇန်နဝါရီလအတွက် အသင်းရဲ့ အကောင်းဆုံးကစားသမားဆုကို မာတင်နယ်လီက ရရှိခဲ့တယ်လို့ ထုတ်ပြန်သွားခဲ့ပါတယ်။  ဘရာဇီးသားလေးဟာ ဒီဆုကို  ၂ လဆက်တိုက်ရရှိခဲ့တာဖြစ်ပြီး  အခုလမှာ အိုဒီဂတ်က ဒုတိယ ၊ ဘန်ဝှို်က်က တတိယ အသီးသီးရရှိခဲ့ပါတယ်။ တိုက်စစ်မှုးအခက်အခဲဖြစ်နေတဲ့ အာဆင်နယ်အသင်းအတွက်လည်း မာတင်နယ်လီအပေါ်မျှော်လင့်ချက်ကြီးကြီးထားနေကြပါတယ်။

အာဆင်နယ်တို့  တိုက်စစ်မှုးရဖို့ ဘယ်လိုကြိုးစားခဲ့သလဲဆိုတာကို ဖွင့်ဟလာတဲ့ ရိုမာနို

အာဆင်နယ်အသင်းဟာ   မိုရာတာ သို့မဟုတ်  မယ်လို တစ်ဦးဦးနဲ့  အူဘာမီယန်ကို အလဲအထပ်လုပ်ဖို့ ကြိုးစားခဲ့ကြောင်း ဖေဘရီဇီယို ရိုမာနိုက ပြောဆိုလာပါတယ်။  သို့သော်​​ ဂျုဗင်တပ်စ်ကလည်း  ဗလာဟိုဗစ်ကို ခေါ်ယူဖို့စီစဥ်ထားပြီးဖြစ်သလို ၊  အက်သလက်တီကိုကလည်း  မိုရာတာကို အငှားထပ်မချဖို့ ဆုံးဖြတ်ခဲ့တာကြောင့် အစီအစဥ်တွေဖြစ်မလာခဲ့ရကြောင်း  သိရပါတယ်။

Advertisements

လာကာဇက်အသင်းမှာဆက်ရှိနေမလား

အသင်းရဲ့တိုက်စစ်မှုးလာကာဇက်က  စမစ်ရိုးကို ချီးကျူးလိုက်တဲ့စကားကြောင့် ပရီတ်သတ်တွေဟာ  ပြင်သစ်တိုက်စစ်မှုးနဲ့ အာဆင်နယ်အကြားအနာဂတ်တစ်ခုရှိနိုင်သေးတယ်လို့ခန့်မှန်းနေကြပါတယ်။  စမစ်ရီုးကို   အာဆင်နယ်ရဲ့ အနာဂတ်လို့  ချီးမွမ်းခဲ့တာဖြစ်ပြီး ၊  အာဆင်နယ်တရားဝင်စာမျက်နှာများမှတဆင့်လဲ  ထိုစကားကိုပြန်လည်ဖော်ပြပေးခဲ့ကြပါတယ်။ လာကာဇက်ကို လိုင်ယွန်အသင်းကလည်း  သူတို့ကြိုးစားနေကြောင်းထုတ်ပြောထားပါတယ်။

အရည်အသွေးကောင်းတွေရှိနေပေမယ့် အာဆင်နယ်အသင်း သံသရာလည်နေဦးမယ်လို့  လောရိုးသုံးသပ်

ဝါရင့်ဘောလုံးသုံးသပ်သူ မာ့ခ်လော်ရင်ဆန် (လော်ရိုး) က အာဆင်နယ်အသင်းရဲ့ ထိပ်ဆုံး ၄ သင်းဝင်နိုင်ချေနဲ့ပတ်သတ်ပြီးအခုလိုပဲ ပြောဆိုသုံးသပ်သွားပါတယ်။

“ အာဆင်နယ်အသင်းမှာ မျှော်လင့်ချက်ရှိပါတယ်။  ဒါပေမယ့် အပြောင်းအရွှေ့မှာထူးထူးခြားခြားဘာမှမလုပ်နိုင်တဲ့နောက်တော့  သူတို့ဟာ  သံသရာလည်နေဦးမှာပါပဲ။ သူတို့ပွဲအချို့နိုင်လိမ့်မယ်။  ၇ ပွဲ ၈ ပွဲလောက် ဆက်တိုက်ရလဒ်ကောင်းလိမ့်မယ်။ ပြီးရင်တော့ ဒလိမ့်ကောက်ကွေးဖြစ်နေပါလိမ့်မယ်။ သူတို့မှာစွမ်းရည်ကောင်းတွေရှိပါတယ် ဒါပေမယ့် ထိပ်ဆုံးလေးသင်းဆိုတာက ဒီလောက်နဲ့မရပါဘူး   “  လို့သုံးသပ်သွားခဲ့ပါတယ်။  အာတီတာကတော့ သူတို့အသင်းအနေနဲ့လုပ်ပြဖို့ စွမ်းရည်တွေရှိတယ်လို့ဆိုထားပါတယ်။

Advertisements

Leave a Reply

%d bloggers like this: