လက်ကျန် ၁၇ ပွဲမှာ ပေပေ အဓိက ကျလာမလား

ကမ္ဘာတလွှားက အာဆင်နယ်ပရိတ်သတ်တွေအတွက် ဇန်နဝါရီအပြောင်းအရွှေ့ဟာ ဒီရာသီရဲ့ စိတ်ပျက်စရာအကောင်းဆုံးအပိုင်းဖြစ်နိုင်ပါတယ်။ အသင်းရဲ့ အဓိက တိုက်စစ်မှုးတစ်ယောက်ဖြစ်တဲ့ အူဘာမီယန်ရဲ့နောက်ဆုံးမိနစ်ထွက်ခွာမှုအပြင် နေရာစုံက ကစားသမားတွေအသင်းကိုစွန့်ခွာသွားကြပေမယ့် ပြန်လည်ဖြည့်တင်းနိုင်မှုကတော့ မရှိဘူးလို့ပဲပြောရမှာပါ။ ဒါပေမယ့်  AFCON မှာပြသွားတဲ့  ပေပေရဲ့ စွမ်းဆောင်ရည်တွေကတော့ အချိန်ကိုက်ပဲပရိတ်သတ်တွေအတွက် စိတ်ဖြေစရာတစ်ခုအဖြစ် ရောက်ရှိလာပါတယ်။

ကစားသမားအဝင်အဖြစ် မေဂျာလိဂ်က ကစားသမား ၂ ယောက်ကို ပြန်ခေါ်ထားပေမယ့် ဒီရာသီအတွက်မဟုတ်သေးပါဘူး။  ဘာတွေစီစဥ်ထားမှန်းမသိသေးပေမယ့်  Trust The Process လို့ပဲပြောရမှာပါပဲ။ ဒါပဲရှိတော့တာကိုး။ အခြေအနေကတော့ရှိတဲ့လူနဲ့ပဲ လက်ကျန် ၁၇ ပွဲကိုတိုက်ပွဲဝင်သွားဖို့ဖြစ်ခဲ့ပါပြီ။

လာကာဇက် ၊ အန်ကတ်တီယာ ၊ ဆာကာ ၊ မာတင်နယ်လီ နဲ့ပေပေ တို့ဟာ  တိုက်စစ် ၃ ယောက်ထားကစားတဲ့ အာတီတာအတွက်ရှိသမျှအကုန်ပဲဖြစ်ပါတယ်။  ဆာကာဟာ ညာတောင်ပံကစားသမားဖြစ်ပြီး  လာကာဇက်က တိုက်စစ်အထောင် ၊ ဒါမှမဟုတ် ကွင်းလယ်နဲ့ချိတ်ဆက်ကစားသူပါ။ ဒီတော့ အာတီတာအတွက်နည်းဗျူဟာအရ လှည့်သုံးစရာ မာတင်နယ်လီ ၊ အန်ကတ်တီယာနဲ့ ပေပေတို့ပဲကျန်ပါတော့တယ်။​

ဒီနေရာမှာ  မာတင်နယ်လီနဲ့ အန်ကတ်တီယာကတော့ အခုနောက်ပိုင်းပွဲတွေမှာ သူတို့ရဲ့ကစားပုံတွေကိုမြင်နေရတာဖြစ်ပေမယ့်  ပေပေကတော့ အသင်းနဲ့ဝေးကွာနေတာအတော်ကြာပါပြီ။  သူ့အခြေအနေဘယ်လိုရှိပါသလဲ။

ပေပေရဲ့ ကစားပုံမှာ ပြသနာရှိတာက  သူ့ရဲံ ခန္တာကိုယ်လှုပ်ရှားပုံတွေကို ပရီးမီးယားလိဂ်နောက်ခံလူတွေက ရိပ်စားမိနိုင်ကြပြီး  အလွယ်တကူတားဆီးနိုင်တဲ့အချက်ရယ် ၊ ကန်သွင်းမှုတွေလုပ်တဲ့အခါ စိတ်ကြိုက် Position ကို တည်ယူနေရတာရယ်ပဲဖြစ်ပါတယ်။ ဒီတော့သူ့ကစားပုံက မှန်းရလွယ်ပြီး နဲနဲလေးနေသလိုပါပဲ။ ဒါပေမယ့် ပေပေအနေနဲ့ အလိမ်အလှဲ့တွေလျှော့ပြီး အသင်းနဲ့ တွဲကစားတဲ့နေ့တွေဆိုရင်  သူဟာတော်တော်လေးကောင်းတဲ့ကစားသမားဖြစ်ပါတယ်။

Advertisements

ကိန်းဂဏန်းအရကြည့်ရင် ပေပေကိုအဆင်မပြေပါဘူးလို့ ပြောဖို့သိပ်ခက်တဲ့အနေအထားပါ။  ပြီးခဲ့တဲ့ရာသီမှာတောင် ၄၇ ပွဲကစား​၊ ၁၆ ဂိုးသွင်းပြီး ၊ ၅ ကြိမ်ဖန်တီးထားနိုင်ခဲ့သူဖြစ်ပါတယ်။ ဒါပေမယ့် အခြားကစားသမားတွေနဲ့မတူတာက ပေပေကို အချက်အလက်တွေက ကိုယ်စားမပြုနိုင်ပါဘူး။  သူဟာ တစ်ပွဲထဲမှာတင် အမျိုးမျိုးပြောင်းလဲတတ်သူဖြစ်ပါတယ်။ Inverted Winger တစ်ယောက်အနေနဲ့သူ တကယ်ကောင်းအောင်ကစားနိုင်မယ်ဆိုရင်တော့ အာဆင်နယ်ရဲ့ လတ်တလောတိုက်စစ်အခက်အခဲကို တော်တော်လေးပြေလည်စေမယ့်သူပါ။

အာဖရိက ဖလားပွဲမှာတော့ ပေပေ ကတော်ေတာ်လေးခြေစွမ်းကောင်းတွေပြသနိုင်ခဲ့ပါတယ်။ ဂိုးသွင်းတယ်၊ ဖန်တီးတယ် ၊ MOTM လဲရခဲ့တယ်။​ ခြေစွမ်းလဲပြခဲ့တယ်ပေါ့။ ဒါပေမယ့်  ပရီးမီးယားလိဂ်ဟာ ပိုခက်ခဲတဲ့ခရီးဖြစ်ပါတယ်။  အာတီတာမှာရွေးစရာမရှိတော့တဲ့နောက် ဒီ အိုင်ဗရီကို့စ်သားကို ကွင်းလယ်မှာ  ဒါမှမဟုတ်တိုက်စစ်မှာ မြင်ကိုပြန်မြင်ရတော့မှာဖြစ်ပါတယ်။

အာတီတာအနေနဲ့ နည်းစနစ်ပိုင်းအရတော့အများကြီး အပြောင်းအလဲလုပ်ဖို့မလိုပါဘူး။ ပေပေက ဘယ်ရော ညာရောမှာ အဆင်ပြေအောင်ကစားနိုင်ပါတယ်။ အထောင်အဖြစ်လဲ သုံးလို့တော့ရပါတယ်။ ဒီတော့   Favorite အတွဲဖြစ်တဲ့  လာကာ ၊ ဆာကာ ၊ မာတင်နယ်လီ အတွဲအတွက် အရံထားမယ်ဆိုရင်တော့ နေရာစုံအတွက်အဆင်ပြေပါတယ်။ တစ်ခါတစ်လေ  အန်တတ်တီယာရဲံ အလှုပ်အတိုးကလည်းအသင်းအတွက်အလုပ်ဖြစ်သေးတယ်ဆိုတော့ သူ့ကိုဘယ်ခြမ်းတင်တာမျိုးလုပ်ဦးမလားလဲ စောင့်ကြည့်ရပါမယ်။

ခြေစွမ်းမပြနိုင်ရင်လဲ ကိန်းဂဏန်းတွေမှာတော့ ဘောလုံးရာသီတိုင်းမှာ ထုံးစံမပျက်လှပနေတတ်တဲ့ ပေပေ အတွက် ဒီ ၁၇ ပွဲက သူ့အတွက်များလားလို့ တွေးရမယ့်အခြေအနေတစ်ခုပါပဲ။

Advertisements
Advertisement

Leave a Reply

%d bloggers like this: