အမှတ်ဆုံးလို့မရတဲ့ပွဲကို ဘယ်လိုကျော်ဖြတ်မလဲ အာတီတာ

အခြေအနေအရ  အာတီတာ ဟာ ကြိုက်သည်ဖြစ်စေ ၊ မကြိုက်သည်ဖြစ်စေ လိုကွန်ဂါကို ကွင်းလယ်မှာထည့်သုံးရမယ့်အနေအထားရှိနေပါတယ်။ လူမစုံ ၊ ​ကြံ့ခိုင်မှုမပြည့်ဝတဲ့အာတီတာရဲ့ အသင်းဟာ  လီဗာပူးအသင်းရဲ့ ကျော်ဖြတ်မှုကိုခံခဲ့ရပြီး ဆုဖလားအိမ်မက်တွေအကုန်ဆုံးရှုံးသွားခဲ့တာလဲဖြစ်ပါတယ်။ ဒီအခြေအနေကနေ အမြန်ဆုံးရုန်းထလာဖို့အတွက်  ဘန်လေနဲ့ပွဲမှာ  ၃ မှတ်အပြည့်ရဖို့အရေးကြီးပါတယ်။  ထို့အတူပဲ​ အာတီတာအတွက်ပွဲထုတ်ဖို့ ကစားသမားတွေများများစားစားလဲရှိမနေခဲ့ပြန်ပါဘူး။

အသိသာဆုံးနေရာကတော့ကွင်းလယ်ပါပဲ။  အနီကတ်ကို အပြိုင်ယူထားကြတဲ့ စီနီယာ ကစားသမားနှစ်ယောက်ကြောင့်  ပထမပွဲထွက်ကစားသမားမရှိသလို ၊ အရင်တုန်းက အရံအဖြစ်ဝင်ကစားနေကျ  အယ်နီနီကလဲ  အာဖရိက ဖလားပွဲရောက်နေပြန်ပါတယ်။ ဒီတော့ အခြေအနေအားလုံးက  လိုကွန်ဂါ ဆီပဲရောက်သွားပြန်ပါတယ်။  ဒါ့အပြင်  ဘန်လေတို့ဟာ ဇန်နဝါရီ ၈ ရက်နေ့ကတည်းက ပွဲမကစားရတော့ပဲ ၊ အာဆင်နယ်ကတော့ ၈ ရက်နေ့ကစပြီး အခုထိ   ၃ ပွဲကစားထားရပါတယ်။ အာတီတာအတွက်က ကျဥ်းထဲကျပ်ထဲမှာဖြစ်ပါတယ်။

“ ကျွန်တော်တို့ တစ်ရက်ခြင်းစီကျော်ဖြတ်ရပါမယ်။  အသင်းမှာ  ကစားသမားတိုင်းက သူ့အကြောင်းနဲ့သူ မကစားနိုင်ကြပါဘူး။ ဒီကိစ္စကို လည်းကျွန်တော် ကိုင်တွယ်နေပါတယ်။  ကစားသမားတိုင်းကလည်း အသင်းနဲ့အတူ အမြန်ပြန်ကစားချင်နေကြပါတယ်။ ဒါပေမယ့် တချို့ကတော့လည်း အသင်းနဲ့အတူမရှိနိုင်ကြပါဘူး။  လာမယ့်ပွဲအတွက် ထပ်ပြီးကစားသမားတွေမဆုံးရှုံးဖို့မျှော်လင့်မိပါတယ် “

Advertisements

“ ကျွန်တော်တို့အားလုံးက နိုင်ပွဲတွေလိုအပ်နေပါတယ်။  ဒါကတကယ့်ဖိအားတစ်ခုပါပဲ။  ထိပ်ဆုံးလေးသင်းဝင်ချင်ရင် ဘယ်လိုပွဲတွေအနိုင်ကစားရမယ်ဆိုတာ ကျွန်တော်တို့အားလုံးနားလည်ပါတယ်။ ဒါပေမယ့်  အဝေးကြီးကိုမတွေးနိုင်သေးပါဘူး “

“ အခုအပတ်တွေထဲမှာပဲ ဖြစ်ပျက်သွားတာတွေကလည်းအများကြီးပါ။  အခြေအနေထွေကိုကိုင်တွယ်ဖို့က တကယ်ခက်ခဲပါတယ်။  ကျွန်တော်တို့အသင်းဟာ ကစားသမားတွေဆုံးရှုံးထားရတယ်။  တစ်စုတစ်စည်းထဲဖြစ်နိုင်ဖို့ကြိုးစားနေရတယ်။  တချိန်ထဲမှာပဲ  အနီးဆုံးပွဲတွေကိုနိုင်ဖို့လိုနေတယ်။​ဒါကြောင့်ကစားသမားတွေမြန်မြန်ပြန်ပါလာနိုင်ဖို့ မျှော်လင့်နေပါတယ်  “ ဆိုပြီး  အသင်းရဲ့ တရားဝင်ဝဘ်ဆိုက်ကနေ ဖြေကြားခဲ့တာပါ။​  သူ့အခြေအနေတော့ သူသိပုံပါပဲ။

နောက်ဆုံးသတင်းအရတော့ တိုမီယာစုဟာလည်း လီဗာပူးနဲ့ပွဲမှာ ကြံ့ခိုင်မှုမပြည့်ဝပဲ ကစားခဲ့ရတာဖြစ်ပြီး အခုပွဲမှာတော့ ချိန်ဘာစ် ပြန်ကစားနိုင်ဖွယ်ရှိတယ်လို့သိရပါတယ်။

ထိပ်ဆုံး ၄ သင်းအိမ်မက်အတွက် ဘန်လေနဲ့ပွဲဟာ အလွန်အရေးကြီးတယ်ဆိုတာ အာတီတာကောင်းကောင်းနားလည်ပါတယ်။ ဘယ်လိုပဲဖြစ်ဖြစ် အာဆင်နယ်အတွက် အခက်အခဲတွေအပြည့်ပါပဲ။  ဒီရာသီအစောပိုင်းတုန်းက  လိုကွန်ဂါဟာ  အမှားများတဲ့ပွဲအပြီးမှာ ခြေစွမ်းဆက်တိုက်ပြန်ကောင်းလာခဲ့ဖူးတဲ့ သာဓကတော့ရှိပါတယ်။ ဒီတော့  ရွေးစရာမရှိတဲ့အခြေအနေမှာ သူကိုယ်တိုင်လဲ အစွမ်းပြဖို့ ကြိုးစားရင်းအသင်းအတွက် အထောက်အကူဖြစ်ဖို့ပဲ မျှော်လင့်ရပါတယ်။

Advertisements
Advertisement

Leave a Reply

%d bloggers like this: